Bizim Com BR

Anamizin qedrin bilek !

sindibad022 — Sun, 21 Apr 2013 20:18:31 GMT

Anamizin qedrini bilek!

Anam! Niyə bu qədər çox sevirsən məni,

əziz

anam?Niyə mənim kədərimə kədərlənib,

sevincimə sevinirsən? Sənin öz sevincin,

kədərin yoxdurmu? Niyə mənim

həyatımçün, xoşbəxtliyimçün

yaşayırsan,ana! Sənin öz həyatın

yoxdurmu?

Mən ac olanda ac

olursan, tox olanda tox. Niyə? Sənin öz

nəfsinmi yoxdu,ana?! Niyə bu qədər çox sevirsən məni? Səni sənin qədər sevə

bilmədiyimi, sənə mənə

yandığın qədər yana bilmədiyimi bilə-bilə,

niyə

bu qədər sevirsən məni? Gəncəm..."gəncl

iyini doyunca yaşa,ailə həyatının yükü yorar

səni,hələ bacarmazsan”

deyirsən. Bəs sən? Sənin gəncliyin

olmadımı, ana?! Sən ki, tez aldın o yükü

çiyinlərinə,yaş amadın gəncliyini.Yoxs a

yenə məni düşündün,mən dünyaya gələm məni

sevəsənmi deyə?Yoxsa, dünyaya

gəlmədiyim

vaxtdanmı sevmişdin məni,mənə

qovuşmaq

üçünmü mənə yaşatmaq istədiyin gəncliyi özün yaşamadın? Məndə sevdim səni...

Amma başqasını da sevdim. Səndən çox

düşündüm onu, ağladım onun

üçün.Gözlərimin

dolmasını belə istəmədiyin mən,

ağladım... Hiss etdin bunu bəlkə də,sən də ağladın.Amma mən başqası üçün,sən

mənim

üçün...Niyə?

Ürəyini görmək istərəm, qəlbinə girmək,

orda

tutduğum yeri görə bilməkçün.Kiməm orda varlığım sənin üçün

nə deməkdir ki,bu qədər çox sevirsən

məni,ana! Bilirəm Allah verib bu sevgini

sənə,səni mənim üçün yerdə yaşayan

mələk

olaraq göndərib... İndi yoxsan yanımda...

Səni istəyirəm, darıxıram sənsiz.

Qayğın üçün,mehriban səsin üçün, mənə

mərhəmətlə baxan gözlərin üçün,səni

incidəndə belə mənə sığal çəkən əllərin

üçün çox darıxıram, məlhəmim anam! Bilirəm

ki,sən

də məni istəyirsən,məni m üçün darıxırsan.

Amma mən öz rahatlığım üçün,

qollarında cənnəti tapmaqçün istəyirəm

səni.Sən yenə mənə rahatlıq vermək üçün, yenə məni

düşündüyün

üçün istəyirsən məni,

ana!

Sənin sevginə qarşılıq verə bilməmək əzab

verir mənə.Sevmə məni... Bu qədər sevmə. Sevginə haqsızlıq

edirəm,ana!Səni n qədər sevə bilmirəm

səni...Ya öyrət mənə sənin məni sevdiyin

kimi

sevim səni,ya məndən səni sevdiyim kimi

məni sev

Allahın verdiyi gözəlliyi düzgün dəyərləndirmək

sindibad022 — Sun, 20 Jan 2013 09:05:39 GMT

İnsan fitri olaraq, gözəlliklərə meyl edir. O insanlarda ki, zahiri gözəllikləri vardır, istər-istəməz diqqəti cəlb edər və başqalarının rəğbətini qazanarlar.

Gözəllik elə bir İlahi nemətdir ki, cilvəsi qalan İlahi nemətlərdən daha çoxdur. Əlbəttə, bu nemət ola bilər ki, ilk baxışda ancaq zahirə aid olduğu kimi görünsün. Ancaq bu zahiri gözəllyin arxasında daxili bir gözəllyin də olduğunu söyləmək lazımdır.

Həzrət Peyğəmbər (s) buyurur: "Gözəlüzlülərdən davamlı olaraq xeyir istəyin. Çünki üzün gözəlliyi onun nişanəsidir ki, əməlləri də gözəl olar”.

İmam Sadiq (ə) buyurur: "Hər kimdə bu üç sifət olarsa, kamil insan deməkdir. 1. Ağıl. 2. Gözəllik. 3. Gözəl söz danışmaq”.

Ona görə də bu İlahi nemətə ancaq birtərəfli baxmağımız düz olmaz. Belə ki, ancaq zahirə nəzər salmaq insanda təkəbbür yaradar. Əslində bu nemətin gətirdiyi ən böyük bəla - insanın özü ilə öyünməsidir. Nemətin sahibini yaddan çıxartmaqdır.

Həzrət Peyğəmbər (s) İmam Əliyə (ə) buyurur: "Gözəlliyin ziyanı - özü ilə öyünməkdir”. Həzrət (s) başqa yerdə buyurur: "Camalın və gözəllyin bəlası - təkəbbürlük etməkdir”.

Təkəbbür insana verilən nemət qarşısında üsyan etmək deməkdir. Bəzi qüdrət əhli deyirlər: «Bu, mənə məxsusdur (mənim öz ləyaqətimə görədir və onun hasil olmasında və istifadəsində heç kəsin əli yoxdur) və güman etmirəm Qiyamət də qopa. Əgər (birdən) Rəbbimə tərəf qaytarılsam, Onun yanında mənim üçün mütləq gözəl bir həyat olacaqdır». ("Fussilət” 50).

Bu xəstəliyi müalicə etməyin iki yolu vardır:

1. Təkəbbür o zaman başlayar ki, insan xəyal edər ki, ona verilənlər iftixar meyarıdır. Yəni, insan xəyal edər ki, onun özündə nəyisə vardır ki, Allah ona belə bir neməti inayət etmişdir. Ancaq əslində insan bunun əksini düşünməlidir və bilməlidir ki, insan aciz və yoxsul bir varlıqıdır və hər nəyi varsa - Xaliqindəndir, özündən deyil. Əgər belə düşünərsə, təkəbbürlük üçün yer qalmaz. "Ey insanlar, sizin hamınız Allaha möhtacsınız. Allah isə (heç kəsə) möhtac deyil. (Onun) sifətləri və işləri öyülmüşdür (O, bəşərin xaliqi, qoruyucusu və ruzi verənidir, beləliklə məxluqlar tamamilə möhtac, O isə əsla möhtac deyil)”. ("Fatir” 15).

2. Bu dünya yersiz xəlq edilməmişdir. Bu dünyanın hər şeyi İlahi hikmət üzərində qurulmuşdur. Ona görə də insan ona verilən hər bir nemət qarşısında məsuliyyət daşıyır. "Sonra isə o gün, şübhəsiz, siz (dünyada Allahın) əta etdiyi nemətlər barəsində sorğu-sual olunacaqsınız”. ("Təkasur” 8).

Ona görə də deyə bilərik ki, bizim nəyimiz varsa, Allahdandır. Bütün nemətlər Onun malıdır. Biz ancaq onu gəzdirən varlıqlarıq. Bunlar bizə verilən əmanətdir və biz də zamanı çatanda bu neməti Sahibinə qaytarmalıyıq. Əgər bu düşüncədə olsaq, bir daha təkəbbürlük etmərik.

Gözəlüzlülər bilməlidir ki, bu nemətin ziyanları da vardır ki, ondan qafil olmamalıdır. Neməti qarşısında olan məsuliyyətini yerinə yetirməlidir. Bu məsuliyyət də həya və iffətdir. İmam Əli (ə) buyurur: "Gözəlliyin zəkatı - iffətdir”.

Həzrət (ə) başqa yerdə buyurur: "Həya - hər bir gözəlliyə çatmaq üçün vasitədir”. Ona görə də o şəxs ki, zahiri gözəlliyə malikdir, başqa gözəlliklərə çatmaq üçün iffətə riayət etməlidir. Əgər belə olmasa, həm bu dünyada və həm də axirtədə ziyana uğrayar.

Bu nemətin şükrü odur ki, onu insanların Allaha tərəf hidayət olmasında qərar versin. İlahi peyğəmbərlər (ə) gözəl olmuşdular. Bu da insanların onlara tərəf cəlb olmasına səbəb olmuşdu. Onların bu əlaqəsi hidayət olmaları üçün zəminə yaratmışdır. Əgər Allah peyğəmbərlərini çirkin insanların içərisindən seçsəydi, onların insanlar arasındakı təsiri çox zəif olardı. İnsanlar onun dəvətini olduğu kimi qəbul etməkdə zəiflik göstərərdilər.

Mövləvinin belə bir hekayəti vardır: "Bir gün alimlərdən biri gəzmək üçün səhraya gedir. Orada bir tovuzquşu görür ki, tüklərini yolur. Alim bə məsələdən narahat olur və onun səbəbini soruşur. Ona deyir: "Necə razı olursan ki, bu cür zivəri özündən uzaqlaşdırırsan, yerə atırsan? Heç bilirsənmi ki, Quran qariləri bu tükləri Quranın arasına qoyurlar? İnsanlar arasında sənin lələklərinin qiyməti çox böyükdür”.

Tovuzquşu cavabında deyir: "Ey alim! Heç bilirsənmi ki, bu gözəl lələklərimə görə insanlar tərəfindən başıma nə bəlalar gəlir? Onların tamahkarlığına görə hansı çətinliklərə düşürəm?””.

Bu əhvalatdan göründüyü kimi, dünya nemətlərinə bel bağlamaq lazım deyildir. Onların ən gözəlləri ilə belə, fəxr etmək yersizdir. Çünki gözəl nemət təbii olaraq başqalarının tamahkarlığına məruz qalar. İnsan üçün çox sayda probelmlər yaradar. Ancaq insan iffətini qoruyaraq, Həzrət Yusif (ə) kimi bu gözəlliyinə görə günaha batmaz, Allahın verdiyi bu nemətin haqqını iffət və həyası ilə verər.

Amerikalı gənc tədqiqatçılara Qarabağ həqiqətləri barədə məlumat verilib

sindibad022 — Sun, 20 Jan 2013 09:04:31 GMT

"Dağlıq Qarabağ bölgəsinin Azərbaycanlı İcması" İctimai Birliyinin mərkəzi qərargahında ABŞ-ın Con Hopkins Universitetinin Paul Nitşe adına Ətraflı Beynəlxalq Tədqiqatlar Məktəbinin (SAIS) professorları və universitetin Münaqişələrin İdarəedilməsi Proqramının 16 nəfər tələbə-tədqiqatçısı ilə görüş keçirilib.

İctimai Birlikdən Trend-ə verilən məlumata görə, professorları Vilyam Zartman və Filip Terrens Hopman, eləcə də universitetin Münaqişələrin İdarəedilməsi Proqramının 16 nəfər tələbə-tədqiqatçısı İcmanın Əlaqələndirmə Şurasının sədri Orxan Əkbərov və Dağlıq Qarabağın Azərbaycanlı İcmasının digər əməkdaşları ilə görüşüb.

Orxan Əkbərov tədqiqatçılara Ermənistan-Azərbaycan, Dağlıq Qarabağ münaqişəsinin bugünkü vəziyyəti və İcmanın problemin həlli istiqamətində gördüyü işlər və qarşıya qoyulmuş vəzifələr barədə məlumat verib. Münaqişənin həlli ilə bağlı iyirmi ildir ki, cəhdlər edən beynəlxalq qurumların ikili standartlara yol verdiyini və münaqişənin həllində qətiyyətli mövqe göstərmələrinin zəruriliyini görüş iştirakçılarının diqqətinə çatdıran Orxan Əkbərov bu münaqişənin yalnız Azərbaycanın ərazi bütövlüyünün təmin olunması şərti ilə həll oluna biləcəyini xüsusi qeyd edib.

Tədqiqatçıları maraqlandıran məsələlərin əsasını münaqişənin həll olunacağı təqdirdə erməni və azərbaycanlı icmasının nümayəndlərinin birgə yaşaya bilməsi və gənc nəslin bu prosesə münasibəti olub. Mövzu ətrafında fikirlərini bildirən Orxan Əkvbərov Azərbaycan xalqının çox tolerant bir xalq olduğunu bildirərək qeyd edib ki, münaqişənin başlamasından və Azərbaycan torpaqları işğal olunmamışdan öncə ermənilər bizim tarixi torpaqlarımızda bizimlə birgə yaşamışdırlar və o zaman ermənilərin yaxşı yaşaya bilmələri üçün hər cür şəraitləri var idi: "Bu gün də bu münaqişənin həll olunmasından sonra biz erməni icmasına Dağlıq Qarabağda həmin şəraiti yaradacağıq. Bunu gənc nəsil də bilir və onlar münaqişənin tez bir zamanda dinc yolla həll olunmasının, məcburi köçkünlərin öz doğma yurdlarına qayıtmalarının tərəfdarıdırlar".

Tədbirin davamı olaraq ABŞ-dan gəlmiş nümayəndə heyəti Şuşadan məcburi köçkün düşmüş insanların kompakt yaşadığı Ramana qəsəbəsinə səfərləri təşkil olunub.

Prezident İlham Əliyev şəhidlərin əziz xatirəsini yad edib - YENİLƏNİB - FOTO

sindibad022 — Sun, 20 Jan 2013 09:02:21 GMT

10:39

AzərTAc xəbər verir ki, yanvarın 20-də Azərbaycan Respublikasının Prezidenti İlham Əliyev Ümumxalq Hüzn Günündə 20 Yanvar şəhidlərinin xatirəsini yad etmişdir.

Qanlı Yanvar hadisələrindən 23 il keçir. 1990-cı il yanvarın 20-si Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olmuş, milli müstəqillik, azadlıq uğrunda mübarizəsinin və yenilməz iradəsinin rəmzinə çevrilmişdir. Təpədən dırnağadək silahlanmış keçmiş sovet ordusunun cəza tədbirlərinə məruz qalan xalqımız azadlıq əzmini itirməmiş, əksinə, haqq səsini daha ucadan bəyan etmişdir. Düz 23 il əvvəl doğma yurdunun, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları həmin müdhiş gecədə canlarından keçərək şəhidlik zirvəsinə ucalmışlar. Sovet qoşunlarının Azərbaycanda törətdiyi qanlı qırğından uzun illər keçməsinə baxmayaraq, xalqımız o dəhşətli günlərin ağrı-acısını unutmur, öz vətəndaşlarına divan tutan sovet imperiyasının o vaxtkı rəhbərlərinə və onların Azərbaycandakı nökərlərinə dərin nifrətini bildirir.

Bədnam M.Qorbaçov başda olmaqla SSRİ rəhbərliyinin Azərbaycana qarşı qərəzli, ermənipərəst siyasətinə, əzəli torpaqlarımıza iddia edən Ermənistanın təcavüzkar siyasətinin açıq-aşkar dəstəklənməsinə və respublikanın o zamankı rəhbərliyinin xəyanətkar mövqeyinə etiraz əlaməti olaraq ayağa qalxmış geniş xalq kütlələrinə qarşı sovet ordusunun iri hərbi birləşmələrinin yeridilməsi Azərbaycanda, xüsusilə Bakıda misli görünməmiş faciəyə gətirib çıxardı, böyük itkilərlə, günahsız insanların ölümü ilə nəticələndi. Buna baxmayaraq, Azərbaycanın o vaxtkı səriştəsiz, kölə psixologiyalı rəhbərlərinin yenə də xalqla bir olmağa cəsarəti çatmadı və onlar sovet rəhbərliyinin ətəyindən tutmaqda davam etdilər.

Onların əksinə olaraq, həmin vaxt Moskvada yaşayan xalqımızın dahi oğlu Heydər Əliyev həyatını təhlükədə qoyaraq, faciənin ertəsi günü Azərbaycanın daimi nümayəndəliyinə gələrək, Qanlı Yanvar qırğınını törədənləri pisləyən kəskin bəyanatla çıxış etdi, xalqımızın başına gətirilən müsibəti dünyaya çatdırdı. Bununla da ulu öndərimiz cəsarətini, mərdliyini, xalqının sədaqətli oğlu olduğunu bir daha sübut etdi.

Lakin ermənilərin fitvası ilə törədilmiş bu cinayət Azərbaycan xalqının iradəsini qıra, azadlıq eşqini söndürə bilmədi. Xalqımız qanı bahasına da olsa istəyinə - azadlıq və müstəqilliyinə qovuşdu və bu nailiyyəti heç vaxt əlindən verməyəcəkdir.

Keçmiş sovet hərb maşınının Azərbaycanda törətdiyi qanlı qırğın mahiyyətinə görə dövlətin öz vətəndaşlarına qarşı tarixdə misli görünməmiş təcavüzü, qətliamı idi. Keçmiş SSRİ və Azərbaycan SSR konstitusiyalarının kobudcasına pozulması, ayaqlar altına atılması idi. Həmin gün keçmiş SSRİ dövləti dinc əhalinin üstünə qoşun yeritməklə BMT Nizamnaməsinə, beynəlxalq hüquq normalarına məhəl qoymamış, iştirakçısı olduğu Mülki və Siyasi Hüquqlar Haqqında Beynəlxalq Paktın bir sıra müddəalarını pozmuşdur.

Xalqımızın ümummilli lideri Heydər Əliyevin Azərbaycan rəhbərliyinə yenidən qayıdışından sonra, 1994-cü ildə 20 Yanvar hadisələrinə siyasi-hüquqi qiymət verildi və cinayəti törədənlərin adları ictimaiyyətə çatdırıldı. 20 Yanvar - Ümumxalq Hüzn Günü elan edildi.
Azərbaycan xalqı hər il Ümumxalq Hüzn Günündə 20 Yanvar faciəsi qurbanlarının xatirəsini dərin ehtiramla yad edir.

Hər il olduğu kimi, Azərbaycan Prezidenti Administrasiyası tərəfindən Qanlı Yanvar faciəsinin iyirmi üçüncü ildönümü ilə əlaqədar geniş tədbirlər planı hazırlanmış, respublikanın bütün şəhər və rayonlarında, xarici ölkələrdəki səfirliklərimizdə, diaspor təşkilatlarında anma mərasimləri keçirilmişdir. Ümumdövlət və ümumxalq ehtiramı sübut edir ki, şəhidlər ölməzdir. Bu ölməzlik müstəqilliyimizdə, birliyimizdə və xoşbəxt gələcəyimizdə yaşayır.

X X X

Yanvarın 20-də səhər Azərbaycan Respublikasının Prezidenti İlham Əliyev Qanlı Yanvar faciəsində həlak olanların əziz xatirəsini yad etmək üçün Şəhidlər xiyabanına gəldi.
Prezident İlham Əliyev "Əbədi məşəl” abidəsi önünə əklil qoydu.

Müdafiə Nazirliyinin Əlahiddə nümunəvi hərbi orkestrinin ifasında Azərbaycanın Dövlət himni səsləndi.

X X X

Dövlət və hökumət rəsmiləri, respublikamızdakı dini icmaların başçıları, xarici ölkələrin Azərbaycandakı səfirləri, beynəlxalq təşkilatların nümayəndələri də şəhidlərin əziz xatirəsini yad etməyə gəlmişdilər.

X X X

Şəhidlər xiyabanının ziyarət olunması mərasimində Baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev iştirak edirdilər.

---------
10:20

Azərbaycan Respublikasının Prezidenti İlham Əliyev Qanlı Yanvar faciəsində həlak olanların əziz xatirəsini yad etmək üçün Şəhidlər xiyabanını ziyarət edib. Trend-in məlumatına görə, Prezident İlham Əliyev "Əbədi məşəl" abidəsi önünə əklil qoyub.

Müdafiə Nazirliyinin əlahiddə nümunəvi hərbi orkestrinin ifasında Azərbaycanın dövlət himni səslənib.

Dövlət və hökumət rəsmiləri, respublikamızdakı dini icmaların başçıları, xarici ölkələrin Azərbaycandakı səfirləri, beynəlxalq təşkilatların nümayəndələri də şəhidlərin əziz xatirəsini yad ediblər.

Bizim.ucoz.com.br

---------
12:07

Böyütmək üçün şəkillərə klikləyin.

20 yanvar faciəsindən 23 il ötür

sindibad022 — Sun, 20 Jan 2013 08:56:12 GMT

20 Yanvar - 1990-da SSRİ Prezidenti Mixail Gorbaçovun göstərişi ilə Sovet Ordusu hissələri həm quru, həm dəniz yolu ilə Bakı şəhərinə həmlə edərək 100-dən artıq silahsız insanı qətlə yetirdi.

20 Yanvar - 1990 Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən on doqquz il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.
Sovet Ordusunun böyük kontingentinin, xüsusi təyinatlı bölmələrin və daxili qoşunların Bakıya yeridilməsi xüsusi qəddarlıq və görünməmiş vəhşiliklə müşayiət edildi. Kommunist diktaturası Çexoslovakiyaya, Macarıstana, Əfqanıstana qarşı həyata keçirdiyi hərbi müdaxiləni hətta o zamankı Sovet İttifaqının müttəfiq respublikalarından biri olan Azərbaycanda da təkrarlamaqdan çəkinmədi. Həmin vaxt Azərbaycan qonşu Ermənistanın da təcavüzünə məruz qalmışdı. Belə bir şəraitdə sovet rəhbərliyi nəinki münaqişənin qarşısını almaq üçün qəti tədbirlər görməmiş, əksinə, Azərbaycana yeridilən ordu hissələrinin tərkibinə Stavropol, Krasnodar və Rostovdan səfərbərliyə alınan erməni əsgər və zabitləri, sovet hərbi hissələrində xidmət edən ermənilər, hətta erməni kursantlar da daxil edilmişdi.

Bir qalanın sirri kimi
Sirli oldu qanlı gecə.
"Humanist” "Qızıl ordu”nu
Ürəklərdən sildi necə...
Quduz canavarlar kimi
Qıcıdaraq dişlərini,
Yeridi şəhər üstünə,
Yeridi insan üstünə.
Silahları sağa-sola,
Yerə-göyə fırlatdılar.
Qarşısına çıxanlara -
Qoca, cavan, körpə uşaq,
Canlı-cansız demədilər,
Gördüklərin məhv etdilər,
Ərşə qalxdı nalə səsi,
Ana!” səsi, "Kömək!” səsi...
"Bala!” - deyib ayaqyalın
Küçələrə qaçana bax!
"Bakı yanır!” harayıyla
Tez özünü yola atan
Ataya bax, oğula bax.
Vətən, gəldim!” harayıyla
Evdən çıxan o ərə bax!
Arxasınca nalə çəkən,
Həyatını məhv eyləyən
Sədaqətli gəlinə bax!
"Aman Allah!” deyə-deyə
Küçələrdə qaçana bax!
Arxasınca açılacaq
"Alabəzək" güllələrdən
Xəbərdardır bu qaçanlar,
"Ordumuzu”, vəhşiliyi
Görüb qaçdı, bu qaçanlar,
Hər tərəfdən güllələrlə
Qarşılaşdı bu qaçanlar.
Küçələrdə izi qaldı,
Səkilərdə izi qaldı,
Ürəklərdə közü qaldı
qaçanların.
Neçə-neçə oğlu qaldı,
Neçə-neçə qızı qaldı
Əliyalın qaçanların.
Adı Azərbaycan ilə
Birgə qaldı qaçanların.
Eyvanlarda duranlara,
Evlərində gəzənlərə,
Güllə atan tanklara bax,
Yolda durub sinəsini
Quduzların tanklarına
Sipər edən igidlərə,
ərlərə bax!
Yaxşı baxın, bir də baxın!
Koroğlular, Cavanşirlər
Yetişdirən yurda bax!
Azğınlaşmış "Qızıl ordu”
Bir cəhənnəm yaratdı, bax.
Qandan göllər yaratdı, bax!
Bakımızın ürəyində
Qanlar axdı igidlərdən.
Sanki Bakı cana gəldi,
Sinəsindən damar-damar
axan qandan.
Azərbaycan ürəyindən
axan qandan.
Ona baxın, yaxşı baxın!
İgid cırıb yaxasını
Durur tankın qarşısında,
"Yol vermərəm
tapdayasan torpağımı!”
Tankı sürən bir an durur,
Gözlərindən qəzəb yağır.
"Oğlandakı hünərə bax,
cürətə bax?”
Göz qırpmadan
qıcıdıb dişlərini
İrəliyə hücum çəkir.
"Vətən!”, "Anam Azərbaycan!”
Son sözlərin deyən oldu.
Bu igidim, bu eloğlum.
Xırçım-xırçım xırçımladı,
Sızım-sızım sızıldadı,
Gizil-gizil gizildədi,
Tırtılların arasında
İgidimin sümükləri.
Axdı isti qızıl qanı
Soyuq asfalt üzərinə.
O, məhv oldu, həlak oldu
Deməyin siz bu igidə.
Bir göyərçin olub uçdu
Azərbaycan göylərinə.
Bir idisə, min-min olub
Girdi yanar ürəklərə.
Şəhid kimi, qardaş kimi,
Sirdaş kimi, oğul kimi
Yaşayacaq böyüklərin,
Kiçiklərin dillərində.
Yetişəcək, böyüyəcək
Anaların o bətnində.
Doğulacaq igidlərim.
Bir körpənin qədəmində,
Bir göyərçin uçuşunda,
Qərənfilin ləçəyində
Yaşayacaq igidlərim,
Şəhidlərim, şəhidlərim!

Bakıda 20 Yanvar faciəsinə həsr olunmuş yeni abidə açıldı - FOTO

sindibad022 — Sat, 19 Jan 2013 19:52:41 GMT

Binəqədi Rayon İcra Hakimiyyətindən APA-ya verilən məlumata görə, bu gün Biləcəri qəsəbəsində yerləşən 20 Yanvar şəhidlərinin xatirəsinə salınmış parkın və «Güllə yağışı» abidəsinin açılışı olub.

Açılış mərasimində 20 Yanvar şəhidlərinin xatirəsi bir dəqiqəlik sükutla yad edilib. Daha sonra C.Cabbarlı adına İrəvan Dövlət Azərbaycan Dram Teatrı 20 Yanvar şəhidlərinin xatirəsinə həsr olunmuş ədəbi-bədii kompozisiya ilə çıxış edib.

Azerbaijanews.TK

Böyütmək üçün şəkillərə klikləyin.

Bakıda güllələnən əsgərin həyatı xilas olundu

sindibad022 — Sat, 19 Jan 2013 19:48:56 GMT

Əsgər dünən əməliyyat olunub və bədənindəki güllə çıxarılıb

Ötən gün Bakıda güllələnən əsgər 18 yaşlı Sübhan Mahmudlunun vəziyyəti stabildir. Bu barədə əsgərin müalicə aldığı 3 saylı Sabunçu Xəstəxanasından bildirilib. Əsgər dünən əməliyyat olunub və bədənindəki güllə çıxarılıb.

"Onun əməliyyat olunması üçün qan çıtışmırdı. Sonradan KİV-də və sosial şəbəkələrdə yayılmış xəbərlər. Xəbərlərdən sonra xəstəxanaya qan vermək üçün çoxl insanalr gəlmişdi. Əsgərə qan verildi və onun həyatı xilas olundu. Buna göə, hər kəsə minnətdarıq”, – deyə Sübhan Mahmudluya xidmət edən ttibb bacısı bildirib.

Xatırladaq ki, dünən Şüvəlan qəsəbəsi ərazisində N saylı hərbi hissədə xidmət çəkən 18 yaşlı Sübhan Mahmudlu güllələnmişdi. Yaralı dərhal 3 saylı Sabunçu xəstəxanasına yerləşdirilmişdi. Hadisənin ehtiyatsızlıqdan baş verdiyi bildirilir.

ANSPRESS

E-Kitab: Gəlin, yoxsa pələng? (hekayə)

sindibad022 — Sat, 19 Jan 2013 19:45:58 GMT

Frenk Riçard Stokton (Frank Richard Stockton) yumorist ingilis yazıçısıdır. 1834-cü ildə Filodelfiyada doğulub. Fentezi janrında yazdığı ironik tərzdə əsərləri ilə məşhurdur. 1882-ci ildə çap olunmuş "Gəlin, yoxsa pələng?” tragikomik hekayəsi yazıçıya böyük şöhrət gətirmişdi.

Frenk Riçard Stokton

GƏLİN, YOXSA PƏLƏNG?

Hekayə

Çox qədim zamanlarda yarı barbar bir hökmdar yaşardı. Bu hökmdarın düşüncələri uzaq qonşu latınların mədəniyyətindən bəhrələnmişdisə də, əvvəlki tək sərhədsizliyi, əcayibliyi, qarşısıalınmazlığı ilə fərqlənirdi. Necə deyərlər, barbarlığına layiq hərəkətlər edirdi. Bu hökmdar digər hökmdarlardan azğın xəyallara qapılmasıyla, könlünə düşəndə dəyişkən təxəyyül oyunlarını gerçəkləşdirmək kimi inadkar hökmranlığıyla fərqlənirdi. Bununla bahəm, etdiyi hərəkətləri təhlil etməyə meylli olduğundan, özünü inandırmağa müvəffəq olduqda, düşündüyü işi sona çatdırmaqda heç nə mane ola bilməzdi ona. Əgər ailəsində və dövlət sistemində hər şey müəyyənləşdirdiyi yolla gedərdisə, mərhəmətli və mehriban olardı. Müəyyən maneələrlə üzləşdikdə, planetlərindən bəziləri orbitlərindən sapdıqda isə, daha da həlimləşərdi. Axı əyintiləri aradan qaldırmaqdan yaman xoşlanırdı.

Hökmdarın barbarlığını azacıq pərdələyən meydanda insan və heyvan yenilməzliyinin nümayişi rəiyyətin ürəyinə mərhəmət toxumları səpirdi. Fəqət elə həmin meydanda hökmdarın azğın barbar təfəkkürü özünü göstərirdi. Meydan son nəfəslərini dərən qladiatorların diləklərini dinləmək, ah-nalələrini xalqa eşitdirmək, dini inanclar və ac çənələr arasında münaqişənin qaçılmaz həllini təftiş etməyə imkan tanımaq üçün yox, xalqın əqli enerjisini artırmaqda faydalı olduğu üçün tikilmişdi. Cərgələrin, sirli zirzəmilərin, görünməz dəhlizlərin dövrələdiyi böyük amfiteatr ədalətin aləti kimi xidmət edirdi. Cinayət cəzalandırılır, yaxşılıq edən qərəzsiz hadisənin hökmüylə mükafatlandırılır, ədalət zəfər çalırdı.

Əgər hansısa adam hökmdarın marağını doğuran cinayətdə ittiham olunurdusa, onda təyin edilən gündə müttəhimin taleyinin hökmdar meydanında həll olunacağıyla bağlı ümumxalq elanı verilirdi. Meydanın quruluşu uzaq-uzaq məmləkətlərdən götürülmüşdüsə də, hansı məqsədlər üçün istifadə olunacağı, təyinatının nədən ibarət olacağı təpədən-dırnağa hökmdar olan, heç bir adət-ənənəni öz fantaziyalarından yüksəkdə tutmayan, mənimsədiyi insan düşüncələrinin və əməllərinin müxtəlifliyi sayəsində barbar idealizminə məhsuldarlıq qatan adamın beynində peyda olmuşdu.

Xalq cərgələrdə oturur, saray məmurları ilə dövrəyə alınmış hökmdar iltifat göstərib taxtına əyləşir, əlinin işarəsiylə aşağıda qapı açılır, müttəhim meydana çıxır, qarşısında durmuş eyni quruluşlu iki qapıya baxırdı. Bu qapılardan birini açmaq, müttəhimin həm hüququ, həm də borcuydu. İstədiyi qapını aça bilərdi, bunun üçün nə kiminsə xeyir-duasına, nə də məsləhətlərinə ehtiyac vardı. Əgər seçdiyi qapıdan ac-yalavac bir pələng çıxardısa, müttəhimi cəza olaraq tikə-tikə parçalardı. Taleyi beləcə sona çatan müttəhimin şərəfinə əcəl zəngi zingildəyər, muzdla tutulmuş dildeyənlər ağılar səsləndirər, çoxsaylı tamaşaçılar başlarını sallayıb evlərinə dağılışar, ürəklərdə məyusluq, kədər, qəm… Axı belə gözəl bir gəncin qismətinə qovrulmaqdan dəhşətli nə ola bilərdi?!

Yox əgər müttəhim digər bir qapını açardısa, hökmdar tərəfindən seçilmiş, həm yaşına, həm cəmiyyətdəki mövqeyinə görə müttəhimə ən uyğun gələn qadın çıxardı və həmən bu qadınla da günahsızlığın mükafatı olaraq, müttəhimi dərhal evləndirərdilər. Müttəhimin başqa sevgilisinin və ya ailəli olmasının məsələyə aidiyyatı yox idi. Bu cürə xırda-mırda işlər hökmdarın möhtəşəm mükafatlandırma və ya cəza mərasiminə mane ola bilməzdi. Pələngin müttəhimi parçalaması hadisəsində olduğu kimi, nikah mərasimi də anındaca meydanda baş tuturdu. Hökmdarın taxtı-tacında daha bir qapı açılırdı, bu qapıdan isə xorun və qızıl buynuzlarla ifa olunan nikah musiqisinin sədaları altında rəqs edən rəqqasların müşayiəti ilə kahin çıxırdı. Həm kahin, həm də rəqqaslar xoşbəxt toy mərasiminin baş tutduğu tərəfə irəliləyir, zənglər zingildəyir, şad-xürrəm xalq, "Ura! Ura! Ura!” qışqırır, bəraət almış müttəhim isə gəlini evə aparırdı, qarşıda gedən uşaqlar onların ayaqlarına gül-çiçək dəstələri atırdılar.

Hökmdar tərəfindən ədalətin yaradılmasının yarıbarbar üsulu beləydi. Bu cürə ədalətdə nəsə bir qüsur tapmaq mümkün deyildi. Cinayətkar hansı qapıdan gəlinin çıxacağı, hansı qapını açan kimi parçalanacağı, yaxud evlənəcəyi barədə heç bir təsəvvürə malik olmadığından, ağlına gələn qapını açırdı. Bəzən pələng gah bir qapıdan, gah da o biri qapıdan çıxırdı. Bu tribunalın qərarları ədalətli olmaqla yanaşı, həm də qəti idi. Əgər müttəhim özünü günahkar sayardısa, yerindəcə cəzalandırılardı. Yox əgər günahsız sayardısa, yerindəcə mükafatlandırılardı, istər bunu bəyənsin, istərsə də bəyənməsin. Hökmdar meydanında çıxarılmış qərarlardan qaçmaq mümkün deyildi.

Bu qaydalar böyük uğur qazanmışdı. Xalq böyük məhkəmə günlərində yığılarkən, bilmirdi, dəhşətli qan tökülməsinə kədərlənəcək, yoxsa "vur-çatlasın” toya sevinəcək. Nəyin necə olacağını bilməyən xalqın mərasimə marağı daha da artırdı. Bu mərasim avam xalq üçün əyləncəli məşğuliyyət idi. Cəmiyyətin düşünən kəsimləri isə qurulmuş mərasimi ədalətsizlikdə, haqsızlıqda ittiham edə bilməzdi, çünki müttəhimin "ölüm, ya olum”u öz əlindəydi.

Yarı barbar hökmdarın gül kimi incə və təravətli qızı vardı. Hökmdarın fantaziyasının hüdudsuz genişliyi qızına da sirayət etdiyindən, o da dəliqanlı və hökmlüydü, hökmdarın özü kimi. Qızını dünyada hamıdan çox istəyirdi. Saray məmurları arasında bir cavan oğlan da vardı, qanında-iliyində şücaət vardı, aşağı təbəqədən olması hökmdar qızına vurulmuş ənənəvi romantik qəhrəmanlarla bir cərgəyə qoyurdu onu. Hakimi-mütləq hökmdarın qızı sevgilisindən tamamən razıydı. Çünki saray məmuru olan sevgilisi gözəlliyi və cəsarətiylə hamını üstələyirdi dövlətdə. Atasından keçmiş, qanına işləmiş barbarlığın sayəsində müstəsna dərəcədə şiddətli və güclüydü sevgisi. Beləcə neçə aylar xoşbəxt yaşadılar, ta o vaxta qədər ki, bu barədə xəbər gəlib hökmdarın qulağına çatdı. Hökmdar məsələylə bağlı atacağı addımda tərəddüd etmədi. Cavan oğlanı dərhal zindana saldılar. Onun hökmdar meydanında sınağa çəkilməsi günü təyin olundu. Bu, əlbəttə, xüsusi hadisə sayıldığından, hökmdar da bütün xalq kimi hadisələrin gedişatını, nəylə nəticələnəcəyini bilməkdə maraqlıydı. Belə bir hadisə indiyədək olmamışdı. Ta qədimlərdən heç bir şəxs hökmdar qızını sevməyə cürət etməzdi. Çox sonralar adi hadisəyə çevriləcək bu sevgilər, o zamanlar çox təəccübləndiriciydi.

Ən vəhşi amansız heyvanı tapmaq üçün hökmdarın sərəncamında olan bütün qəfəslər yoxlanıldı, meydana çıxa biləcək ən zalım heyvanı seçmək lazım idi. Çox gözəllər səlahiyyətli hakimlərin müayinəsinə məruz qaldılar, əgər tale qəsdinə durmasa, ləyaqətli bir gəlin qisməti olacaqdı gənc oğlanın. Onun nahaqdan ittiham edilməməsindən xəbərdar idi xalq. Fəqət nə gənc oğlan, nə hökmdar qızı, inkar etmirdilər sevgilərini. Hökmdar böyük həzz və məmnunluq aldığı məhkəmənin gedişinə təsir göstərməyi heç ağlından keçirmirdi. Axı elə ya belə, onsuz da oğlandan qurtulacaqdılar. Hökmdar isə onun qızını sevməyi özünə rəva görən oğlanın cinayət törədib-törətmədiyini müəyyənləşdirəcək hadisələrin gedişini izləməkdən böyük həzz alacaqdı.

Gözlənilən gün yetişdi. Böyük cərgələr ağzınacan insanlarla doluydu, həm yerlilərlə, həm də uzaqdan gəlmişlərlə. Meydana daxil ola bilməyən camaat divarların ətrafında toplaşmışdılar. Hökmdar və saray məmurları qorxunc bənzərliyilə adamı vahiməyə gətirən həmən iki qapının əks tərəfində yerlərini tutdular.

Mərasimin keçirilməsi üçün bütün hazırlıqlar bitmişdi. İşarə verdilər. Hökmdarın taxt-tacının qarşısında qapı açıldı, meydana hökmdar qızının sevgilisi çıxdı. Bu boylu-buxunlu, gözəllik saçan, açıqsaçlı oğlanı heyranlıqla, həyəcanla, böyük uğultuyla qarşıladı xalq. Tamaşaçıların çoxusu onların arasında belə gözəl cavan oğlanın yaşamasından bixəbər idilər. Hökmdar qızının onu sevməsi təəccüblü deyildi! Belə bir gəncin meydana çıxması dəhşətliydi!

Meydan boyu irəliləyən gənc bir adət olaraq hökmdara baş əydi. Fəqət hökmdar haqda düşünmədi. Baxışlarını hökmdarın sağında əyləşmiş qıza yerikləmişdi. Əgər atası kimi qızı da təbiəti etibariylə yarıbarbar olmasaydı, yəqin gəlməzdi. Fəqət bu qədər maraqlandığı hadisəni ehtiraslı isti ürəyindən ötüşdürə bilməzdi. Bir neçə gün əvvəl hökmdar meydanında sevdiyi gənc oğlanın taleyinin həll olunacağıyla bağlı qərar çıxdığında, hökmdar qızının gecəsi-gündüzü olmadı, elə hey bu möhtəşəm günün atəşiylə yanıb-qovruldu, bu hadisə çox nəsnələrlə bağlayırdı onu. Hökmdar qızı böyük hakimiyyətə, böyük təsir imkanlarına, güclü iradəyə malik olduğundan, indiyədək heç kimin nail ola bilmədiyinə nail oldu, qapıların sirrini açdı. Bu qapılardan hansının arxasında pələngin, hansının arxasında gəlinin gözlədiyini bilirdi hökmdar qızı. Dərilərlə bərk-bərk pərdələnmiş qapıların arasından heç bir səs, heç bir küy eşidilə bilməzdi. Fəqət iradəsinin gücü sayəsində hökmdar qızı bu qapıların sirrini açdığından, nəinki qapılardan hansının arxasında meydana çıxmağa hazır, utandığından çöhrəsi qızarıb pörtmüş gəlinin olmasını bilirdi, hətta həmin gəlinin kimliyini də bilirdi. Müttəhim bəraət alacağı təqdirdə gözəllər gözəli biriylə evlənəcəkdi. Əvvəllər hökmdar qızı vaxtaşırı onları söhbətləşərkən gördüyündən, sevgilisinə zillənən baxışların cavabsız qalmadığını gümanlayırdı. Buna görə də saysız-hesabsız əcdadlarından varis qalmış vəhşi qanıyla hökmdar qızı səssiz qapı arxasında titrəyib-qızaran qıza nifrət edirdi.

Sevgilisi arxaya dönüb, ucu-bucağı görünməyən həyəcanlı sifətlər okeanında bütün tamaşaçılardan ən solğun bənizlisi hökmdar qızına baxdığında, baxışları toqquşdu. Gənc oğlan, könülləri bir-birinə qovuşan sevgililərdə olduğu kimi, hansı qapı arxasında pələngin, hansı qapı arxasında isə gəlinin olduğunu hökmdar qızının bildiyini anladı. Axı onun xasiyyətinə bələd idi. Bütün tamaşaçıların, hətta hökmdarın da sirri-xuda saydığını, hökmdar qızının açacağına əmin idi. Belə də oldu.

Elə bu dəmdə gənc oğlanın səbirsiz baxışları soraqladı: "Hansı qapı?” Hökmdar qızı bir anlıq sevgilisinin bu sualı var səsiylə səsləndirməsini xəyalında canlandırdı. Sual bir anlıq olduğundan, cavab özünü çox gözlədə bilməzdi.

Hökmdar qızı sağ əlini balışla örtülmüş baryerin üstünə qoymuşdu. Sezilməz tərzdə əlini sağa sürüşdürdü. Bunu yalnız sevgilisi gördü. Bütün tamaşaçıların baxışları meydandakı hökmdar qızının sevgilisinə yönəlmişdi.

Oğlan çevrildi. Qarşısında iki qapı vardı. İti addımlarla irəliyə yeridi. Ürəklər dayandı, nəfəslər kəsildi, baxışlar acgözlüklə hökmdar qızının sevgilisinə zilləndi. Heç bir tərəddüdsüz-filansız sağ qapıya yaxınlaşdı. Qapını açdı. Bax, hekayənin mahiyyəti də elə bundadır: bayıra çıxan pələng oldu, yoxsa gəlin?

İnsan qəlbinin öyrənilməsini tələb edən, bizi ehtirasların dolambac labirintlərində çalxalayacaq bu sual üzərində düşündükcə, cavab vermək, labirintdən çıxmaq müşkülləşir. Əziz oxucu, düşün bu barədə. Özünü həmən gənc oğlanın yerinə qoy. Amma düşünəndə elə düşün ki, sanki hansı qapını seçmək səndən asılı deyil, qəlbi ümidsizlik közərtisiylə, qısqanclığ alovuyla alışan yarıbarbar hökmdar qızından asılıdı. Hökmdar qızı sevgilisini itirdi. Bəs kim sahib çıxdı sevgilisinə?

Hökmdar qızı həm ayıq olduğunda, həm yuxularında vaxtaşırı səksənir, əllərini ovcuna alıb düşünürdü ki, sevgilisi indi qapını açacaq və qapı arxasında rəhmsiz pələng dişləri onu gözləyir!

Fəqət hökmdar qızı sevgilisini daha çox digər qapıda görürdü! Dişlərini qıcırdadırdı, saçlarını yolurdu, kədərli xəyallarında görürdü, sevgilisi gəlinin qapısını açır, heyranlıqdan qarşısında əriyir! Buna görə də hökmdar qızının qəlbi qubarlanırdı, görürdü, sevgilisi yanaqları qızaran, gözləri qazandığı zəfərdən par-par parlayan həmən qadının görüşünə çıxır! Görürdü, sevgilisi geri qaytarılmış həyatın sevinciylə alışıb-yanır, eşidirdi, xalqın sevinc dolu hay-küyünü, azğınlaşmış zənglərin xoşbəxtlik zingiltisini, kahinlərin musiqi dəstəsinin müşayiəti ilə yaxınlaşdığını, düz gözlərinin qarşısında onların ər-arvad elan olunmasını görürdü və bu cütlüyün camaatın qulaqbatırıcı səs-küylərinin sədaları altında çıxıb getdiklərini, fəryadını batıran hay-küyü görürdü!

Ölsünmü bilmirdi, qalsınmı bilmirdi, bəlkə ölüb, yarıbarbar axirət həyatında gözləsin onu?

Di gəl, dəhşətli pələng, fəryadlar, qanlar!..

Sevgilisinə cavab vermək üçün, ona bircəcik an kifayət etdi, fəqət qərarını xeyli əvvəldən, gecə-gündüz əzablı düşüncələr burulğanında dolandıqdan sonra vermişdi. Sevgilisi tərəfindən ona hansı qapını açmaq barədə sual ünvanlanacağını bildiyindən, cavabının necə olacağına qərar verdi, heç bir tərəddüdsüz-filansız əlini sağa hərəkət etdirdi. Bu qərar barədə sual ünvanlamaq çətindir və bu suala yalnız mənim cavab verə biləcəyimi iddia etmirəm. Ona görə də bu sualı cavablamağı sizə həvalə edirəm: meydana gəlin çıxdı, yoxsa pələng?

Xüsusi olaraq Azerbaijanews.tk üçün,
Ruscadan tərcümə: Ramil Rahiboğlu

Ali məktəb rektorlarına diplomlar verildi

sindibad022 — Sat, 19 Jan 2013 19:40:07 GMT

Azərbaycanda səfərdə olan Türkiyə Ali Təhsil Şurasının (Yüksək Öyrətim Kurulu) sədri Gökhan Çetinsayanın rəhbərlik etdiyi nümayəndə heyəti ilə Təhsil Nazirliyində görüş keçirilib.

Nazirliyin mətbuat xidmətindən verilən xəbərə görə, görüşdə təhsil naziri Misir Mərdanov Azərbaycanın təhsil sistemi haqqında ətraflı məlumat verib, ölkənin dünya təhsilinə inteqrasiya sahəsində uğurlu addımlar atdığını bildirib.

Hazırda Türkiyə ali məktəblərində 4000-dən çox azərbaycanlı gəncin təhsil aldığını nəzərə çatdıran nazir ölkələr arasında tələbə mübadiləsinin genişləndirilməsi üçün hərtərəfli imkanların olduğunu vurğulayıb.

Türkiyə Ali Təhsil Şurasının sədri Gökhan Çetinsaya Türkiyə-Azərbaycan əlaqələri, təhsil sahəsi üzrə əməkdaşlığın inkişaf etdirilməsi, birgə tələbə mübadiləsinin aparılması haqqında fikirlərini bildirib. G.Çetinsaya müasir dünyada elm və təhsilin səviyyəsinin yüksəldilməsinə xüsusi önəm verilməsinin əhəmiyyətindən bəhs edib, ali məktəblər arasındakı münasibətlərin inkişafının zəruriliyini vurğulayıb.

Görüşdə Qafqaz Universitetlər Birliyinin üzvü olan Azərbaycan ali məktəblərinin rektorlarına müvafiq diplomlar təqdim edilib.

Bizim.ucoz.com.br

Azərbaycan Minsk Qrupundan şikayət edəcək

sindibad022 — Sat, 19 Jan 2013 19:19:52 GMT

Parlament Assambleyasının (PA) qış sessiyasında Azərbaycan nümayəndə heyətinin təşəbbüsü ilə Minsk Qrupunun son illər Dağlıq Qarabağ münaqişəsinin həllində göstərdiyi fəaliyyətsizliyi müzakirə olunacaq.

Bu barədə açıqlamasında Azərbaycanın ATƏT PA-da nümayəndə heyətinin rəhbəri, Milli Məclisin sədr müavini Bahar Muradova bildirib.

Sessiya çərçivəsindəki müzakirələr zamanı Dağlıq Qarabağ münaqişəsini də yenidən gündəmə gətirəcəklərini deyən B.Muradova qeyd edib ki, hər dəfə qurumda təmsil olunan əksər dövlətlərin nümayəndələri münaqişənin tezliklə həll olunmasının vacibliyini vurğulayaraq, bunun ATƏT məkanında ən ağrılı problem olduğunu qeyd edirlər: "Ona görə də təbii olaraq bu məsələ yenidən gündəmə gətiriləcək. Gündəlik hələ açıqlanmasa da, biz tərəfindən bu məsələ, danışıqların gedişi və s. komitə iclaslarında gündəmə gətiriləcək”.

B.Muradova bildirib ki, bu dəfə münaqişənin həllində yeganə vasitəçi olan Minsk Qrupunun fəaliyyətsizliyi müzakirələrdə xüsusi vurğulanacaq: "Çalışacağıq ki, bu neçə ildə vasitəçilərin hələ də bir nəticəyə gələ bilməməsi daha geniş müzakirə obyekti olsun və bir qərar verilsin”.

B.Muradova deyib ki, hər dəfə vasitəçilər istər ölkələrində, istərsə də münaqişə iştirakçısı olan ölkələrdə seçkiləri bəhanə edib danışıqlardakı ləngiməyə bunu səbəb kimi göstərirlər: "Amma nəzərə alsaq ki, istər vasitəçi ölkələrdə, istərsə də münaqişə tərəflərində müxtəlif illərdə seçkilər keçirilir və bu, danışıqların ləngiməsi üçün səbəbdir, o zaman heç münaqişənin həlli üçün danışıqlardan danışmağa dəyməz. İndi bizim tənqidlərə cavab olaraq yenə cavab verəcəklər ki, ötən il vasitəçi ölkələrdəki seçkilərlə bağlı durğunluq ili olub, bu il də münaqişə tərəflərindəki seçkilərlə bağlı durğunluq gözlənilir və sair. Ona görə də biz onların bu cavablarına indidən hazırlaşırıq”.

Qeyd edək ki, ATƏT PA-nın növbəti qış sessiyası fevralın 21-22-də Vyanada keçiriləcək.

APA